Арыс қаласының дарынды жастары білім биігін бағындырып, ҰБТ-да жоғары нәтиже көрсетуде, — деп хабарлайды Arysinfo.kz.
Солардың бірі – С.Адамбеков атындағы жалпы білім беретін мектептің 11 «Ә» сынып оқушысы, «Үздік аттестат» үміткері Ағабек Арман Бауыржанұлы. Ол 2025 жылдың наурыз айында өткен ақылы Ұлттық бірыңғай тестілеуде (ҰБТ) 140 мүмкіндіктің 139-ын жинап, жоғары нәтиже көрсетті.
Арманның көрсеткен нәтижелері:
Қазақстан тарихы – 20/20
Оқу сауаттылығы – 10/10
Математикалық сауаттылық – 10/10
Математика (бейіндік пән) – 49/50
Информатика (бейіндік пән) – 50/50
Жас талапкердің осындай жоғары балл жинауы – оның білімге деген құштарлығының, ұстаздарының сапалы дайындығының және ата-анасының қолдауының айқын дәлелі.