Қазақстанда жүргізуші куәлігін онлайн ауыстыру мүмкіндігі енгізілді. Бұл қызмет құжаттың жарамдылық мерзімі өткенде, жоғалғанда, ұрланған жағдайда немесе жеке мәліметтер өзгергенде қолжетімді. Құжат үш жыл бұрын берілген болуы шарт.
eGov Mobile арқылы жүргізуші куәлігін ауыстыру үшін келесі қадамдарды орындаңыз:
- eGov Mobile мобильді қосымшасында авторизациядан өтіңіз.
- «Қызметтер» бөлімінен «Жүргізуші және көлік» санатын таңдаңыз.
- «Жүргізуші куәлігін беру» қызметін басыңыз.
- Дайын құжатты алатын ХҚКО бөлімшесін таңдаңыз.
- Жүргізуші куәлігін ауыстыру себебін көрсетіп, өз фотоңызды жүктеңіз.
- Қолтаңба үлгісін жүктеп, байланыс нөміріңізді енгізіңіз.
- Мемлекеттік бажды төлеңіз (4 915 теңге).
- Өтінімді Face/Touch ID көмегімен растаңыз.
Өтініміңіздің нәтижесі «Хабарламалар» бөлімінде қолжетімді болады.
Сонымен қатар, жүргізуші куәлігін Kaspi.kz мобильді қосымшасы арқылы да ауыстыруға болады. Бұл үшін қосымшадағы «Мемлекеттік қызметтер» бөлімінен «Жүргізуші куәлігін ауыстыру» қызметін таңдап, қажетті қадамдарды орындаңыз.
Бұл жаңашылдықтар азаматтарға уақыт үнемдеуге және қызметтерді ыңғайлы түрде алуға мүмкіндік береді.