«Самұрық-Қазына» қоры Қайрат Сатыбалдыға қатысы бар үш компанияның иесі атанды,деп хабарлайды Arysinfo.kz.
Қазақстанның ұлттық әл-ауқат қоры «Самұрық-Қазына» Қайрат Сатыбалдыға қатысы бар үш компанияның толыққанды иесі атанды. Бұл компаниялар бұрын мемлекет меншігіне өткен болатын.
Қорға өткен компаниялар:
- «Ақмолит» ЖШС
- «Мархит» ЖШС
- «Топаз-НС» ЖШС
Аталған компаниялардың 100% акциясы «Самұрық-Қазына» қорының меншігіне өтті. Бұл процесс компанияларды мемлекет меншігіне қайтару және ұлттық экономиканы тұрақтандыру мақсатында жүзеге асырылып отыр.
2022 жылы аталған үш компания сыйға тарту шарты негізінде мемлекет қарамағына өткен болатын. Бұл шара елдегі сыбайлас жемқорлықпен күрес аясында жүзеге асырылды. Сол кезеңде Қайрат Сатыбалдыға қатысты бірқатар тергеу жұмыстары жүргізіліп, оның активтері мемлекет пайдасына қайтарылған еді.
«Самұрық-Қазына» ұлттық әл-ауқат қоры Қазақстанның негізгі стратегиялық активтерін басқарумен айналысады. Қорға ұлттық компаниялар, оның ішінде мұнай-газ, энергетика, көлік және инфрақұрылым салаларындағы маңызды кәсіпорындар кіреді. Аталған үш компанияның «Самұрық-Қазына» иелігіне өтуі олардың болашақта ел экономикасына тиімді жұмыс істеуін қамтамасыз етуге бағытталған.