Мемлекет басшысы қазақстандық бітімгерлерді марапаттады, — деп хабарлайды Arysinfo.kz.
Президент 20 бітімгерді әскери борышын үлгілі атқарғаны, БҰҰ Голан жоталарындағы бітімгерлік миссиясын жүзеге асыру барысында көрсеткен ерлігі мен жанқиярлығы үшін мемлекеттік наградалармен марапаттау туралы жарлыққа қол қойды.
Осыдан бір жыл бұрын 139 адамнан тұратын алғашқы бітімгерлік контингент Голан жоталарына аттанған еді. Олардың арасында 7 әйел әскери қызметші бар. Әрбір әскери қызметшіге айына 1448 доллар (730 мың теңге) төленеді.
Марапаттар арасында бірінші, екінші және үшінші дәрежелі «Айбын» ордені мен «Жауынгерлік ерігі үшін» медалі бар.