Түркістан облысында 7 млрд теңгеге салынған жағажай жарамсыз күйде, деп хабарлайды Arysinfo.kz.
Туризмді дамыту мақсатында ашылған «Шаға» жағажайы қараусыз қалған. Кешеннің құрылысына 9 млрд-тан астам қаржы қаралған еді. Соның 7 млрд теңгесі игерілді. Орталық 3 жыл бұрын пайдалануға берілгенімен, құрылыстың сапасыздығынан және су тасқыны салдарынан толық іске қосылмады. Мердігер мекемеге міндеттемелерін орындамағандықтан 1 млн теңге айыппұл салынды. Қаржы болмаған соң жағажайдың екінші бөлігінде де жұмыс тоқтап тұр.
Қазір облыстық Экономикалық тергеу департаменті бұл жобаға қатысты тергеу жүргізіп жатыр.