Түркістан облысында қауіпті қылмыскер ұсталды

Түркістан облысы Сайрам ауданында жедел-профилактикалық іс-шара өткізген жергілікті полиция қызметінің қызметкерлері «Opel Vectra» автокөлігін басқарған 40 жастағы жергілікті тұрғынды тоқтатты, Құжаттарды тексеру кезінде жүргізушінің рульде есірткілік мас халде және құжатсыз тізгіндегені анықталды. Құқық бұзушыға қатысты әкімшілік хаттама толтырылып, көлігі айыптұраққа қойылды, деп хабарлайды Arysinfo.kz.

Іс-шара барысында полицейлер барлығы 334 әкімшілік құқық бұзушылықтың жолын кесті, оның 276-сы жол қозғалысы ережелерін бұзу деректері. Тұрғылықты жері бойынша профилактикалық есепте тұрған 407 адам мен 281 қару иесі тексерілді. Азаматтық қаруды сақтау ережелерін бұзудың 4 жайты анықталды.

Сондай-ақ тәртіп сақшылары ұсақ бұзақылықтың 18 фактісін, абаттандыру ережелерін бұзудың 8 фактісін және басқа да құқық бұзушылықтарды анықтады. Түнгі уақытта заңды өкілдерінің еріп-жүруінсіз үйден тыс жерде болғаны үшін 3 жасөспірімнің ата-анасы полицияға шақыртылды.

Ұқсас жаңалықтар

Түркістандық дәрігерлер 500 грамм салмақпен туылған сәбиді аман алып қалды

Альфия Адамбек

Қазақстан Халық партиясы жаңа төраға сайлады: ұйымның саяси бағыты жаңғыра ма?

Redaktor Arysinfo

Түркістан облысының спортшылары “Ақ бидай” ауыл спорты ойындарына дайындықты күшейтті