Қазақстан Ұлттық банкі төрағасы Тимур Сүлейменов елімізде ипотекалық несиелер бойынша жаңа шекті мөлшерлемелер енгізілетінін мәлімдеді. 1 шілдеден бастап жылдық тиімді сыйақы мөлшерлемесіне екі түрлі шек белгіленеді, деп хабарлайды inbusiness.kz сайты.
Егер бастапқы жарна 30%-дан асса, мөлшерлеме 20%-дан жоғары болмайды, ал 30%-дан төмен болса — 25%-дан аспайды. Жаңа ереже банктермен келісілген, құжат жобасы мамыр айында жарияланады.