Қасым-Жомарт Тоқаевқа өнеркәсіп саласын дамыту, сондай-ақ ірі инфрақұрылымдық жобаларды іске асыру барысы жөнінде баяндалды. Кездесу барысында өңдеу өнеркәсібіндегі атқарылып жатқан жұмыстар туралы да ақпарат берілді.
Нұрлыбек Нәлібаев қосылған құны жоғары өнім өндірісін ұлғайту және энергетикалық инфрақұрылымды жаңғырту бағытындағы жоспарлармен бөлісті. Сонымен қатар көлік-логистика жүйесін жетілдіру және құрылыс саласын дамыту мәселелері де талқыланды.
Кездесу қорытындысында Президент инфрақұрылымдық жобалардың сапалы әрі уақытылы орындалуын қатаң бақылауда ұстауды, отандық өндірушілерді қолдауды және алдағы жылу беру маусымына дайындық жұмыстарын күшейтуді тапсырды.