дерекөз фото Stan.kz
Жамбыл облысының Қордай ауданында полицияның арнайы жасақ инспекторы қызметтік казарма аумағында жарақат алып, кейін ауруханада қайтыс болды.
Алдын ала мәлімет бойынша, 1995 жылы туған полиция қызметкері қызметтік ғимарат ішінде табельдік қарудан жарақат алған. Оқиғадан кейін ол дереу медициналық мекемеге жеткізілгенімен, дәрігерлер оның өмірін сақтап қала алмады.
Оқиға арнайы жасақ орналасқан казарма аумағында болғаны хабарланды.
Жамбыл облыстық Полиция департаменті бұл дерек бойынша ресми ақпарат таратып, оқиғаның мән-жайын анықтау үшін сотқа дейінгі тергеп-тексеру басталғанын мәлімдеді. Тергеу аясында оқиғаның барлық жағдайлары мен себептері қарастырылуда.
Қазіргі уақытта өзге мәліметтер жария етілген жоқ.