дереккөз фото Jas Alash
Павлодар алюминий зауытында өндірістік оқиға болып, екі жұмысшы зардап шекті.
Оқиға 16 мамыр күні кешкі уақытта №3 пештің кептіру аймағын тазалау кезінде болған. Алдын ала мәліметке сәйкес, учаскедегі қатып қалған материалдың бір бөлігі опырылып, сол маңда тұрған жұмысшыларға құлаған.
Салдарынан диірмен машинисі оң аяғының сүйегін сындырып, ауруханаға жеткізілді. Ал екінші жұмысшы аяғын соғып алған. Дәрігерлердің тексеруінен кейін ол үйіне жіберілген.
Компания таратқан ақпаратқа сәйкес, зардап шеккендерге дереу алғашқы медициналық көмек көрсетіліп, қажетті ем шаралары ұйымдастырылған. Сонымен қатар тексеру барысында қауіпті өндірістік нысанда апат белгілері анықталмағаны хабарланды.