Қазақстан Республикасы ІІМ Ұлттық ұланының «Орталық» өңірлік қолбасшылығына қарасты 6505 әскери бөліміне жаңа жас сарбаздар келді. Олардың қатарында Көкшетаудан келген егіз ағайындылар да бар.
Бірдей мақсат пен ортақ жауапкершілікті таңдаған егіздер бүгінде әскери ант қабылдауға дайындалып, Отан алдындағы борыштарын бірге өтеп жатыр. Олар әскери қызметтің қыр-сырын меңгеріп, жауынгерлік даярлықтарын шыңдауда.
Егіз сарбаздардың әскери өмірді бірге бастауы бөлімдегі жауынгерлерге ерекше әсер қалдырып, көпшілік назарын аударды.