Әкенің орны – отбасының тірегі: Қазақстанда Әкелер күні кең көлемде аталып өтті

Соңғы жылдары отбасы құндылықтарын дәріптеу мемлекеттік саясаттың маңызды бағыттарының біріне айналды. Осы тұрғыдан алғанда Әкелер күні тек мерекелік дата емес, әке мәртебесін көтеруге бағытталған қоғамдық бастама ретінде маңызға ие.

Апталық аясында кездесулер, спорттық жарыстар, танымдық шаралар, ашық диалог алаңдары мен тәрбиелік іс-шаралар өткізілді. Онда бала тәрбиесіндегі әкенің жауапкершілігі, отбасы институтын нығайту және ұрпақтар сабақтастығы мәселелері кеңінен талқыланды.

Қазіргі қоғамда әкенің рөлі тек отбасының асыраушысы болумен шектелмейді. Ол – баланың алғашқы ұстазы, бағыт-бағдар берушісі және өмірлік құндылықтарды қалыптастыратын басты тұлғалардың бірі. Сондықтан әке беделін арттыру – берік отбасы мен тұрақты қоғам қалыптастырудың маңызды шарты.

Мамандардың пікірінше, әкелердің бала тәрбиесіне белсенді араласуы жас ұрпақтың жан-жақты дамуына оң әсер етеді. Сол себепті мұндай іс-шаралар тек мерекемен шектелмей, жыл бойы жалғасуы қажет.

Әкені құрметтеу – отбасыны құрметтеу. Ал отбасы берік болса, қоғам да қуатты болады.