Алматы облысында кәмелетке толмаған баланы ұрлап, 5 млн теңге талап еткен күдіктілер ұсталды.Бұл туралы Arysinfo.kz тілшісі хабарлайды.
8 ақпанда Қызыл Қайрат ауылында 42 жастағы әйел полицияға баласының ұрланғанын хабарлаған. Белгісіз адамдар жасөспірімді бопсалап, егер талап етілген соманы төлемесе, ар-намысқа тиетін видеоларды таратуға қорқытқан.
Күдіктілер жәбірленушінің анасынан 500 мың теңге алып жатқан сәтінде қолға түсті. Қазір олар изоляторда, тергеу амалдары жүргізілуде.