Олжас Бектенов Қазақ ұлттық спорт университетінің жаңа ғимаратымен танысып, білім беру мен спорт инфрақұрылымының даму барысын бағалады.
Премьер-министрге оқу орнының материалдық-техникалық базасы, заманауи спорт нысандары мен студенттерге жасалған мүмкіндіктер таныстырылды.
Сонымен қатар университет аумағында қауіпсіздікті қамтамасыз ету, адал спорт қағидаттарын қалыптастыру және талантты жастарды қолдауға бағытталған бірқатар жобалар жүзеге асырылып жатқаны айтылды. Бұл бастамалар болашақ спорт мамандары мен чемпиондарды даярлауға қолайлы жағдай жасауға бағытталған.