дереккөз фото: turkystan.kz.
Астанада құқық қорғау органдары Telegram мессенджері арқылы есірткі сатумен айналысты деген күдікке ілінген азаматты ұстады. Тергеу мәліметінше, күдікті интернет арқылы тапсырыс қабылдап, тыйым салынған заттарды жасырын орындарға қалдыру тәсілімен таратқан.
Жедел іс-шара барысында күдіктінің заңсыз әрекетіне қатысты айғақтар тәркіленіп, қылмыстық іс қозғалды. Қазір оның басқа да эпизодтарға қатысы бар-жоғы тексеріліп жатыр. Есірткінің заңсыз айналымына қарсы іс-қимыл аясындағы жұмыстар жалғасуда.