дерекөз фото: turkystan.kz.
Қазақстанның төрт өңірінде бір тәулік ішінде орман өрттері тіркеліп, табиғатты қорғау қызметтері күшейтілген режимде жұмыс істеуге көшті. Өрт ошақтарын оқшаулау мен сөндіруге орман шаруашылығы мамандары және төтенше жағдайлар қызметінің күштері жұмылдырылды.
Мамандардың айтуынша, жаздың аптап ыстығы мен құрғақ ауа райы өрт қаупін арттырып отыр. Осыған байланысты тұрғындарға табиғат аясында от жақпау, темекі тұқылын тастамау және тез тұтанатын заттарды қалдырмау жөнінде ескерту жасалды.
Құзырлы органдар өрт қаупі жоғары кезеңде табиғат аясында демалушылар мен орман пайдаланушыларды өрт қауіпсіздігі талаптарын қатаң сақтауға шақырып, кез келген өрт белгілері байқалған жағдайда дереу тиісті қызметтерге хабарлауды сұрады.