дереккөз фото:Aikyn.kz.
Еліміздің гарнизондарында әскери міндеттілердің бір айлық оқу жиындары жалғасып жатыр. Іс-шараның негізгі мақсаты – әскери даярланған резервті қалыптастыру, сондай-ақ запастағы азаматтардың әскери даярлығы мен практикалық машықтарын жетілдіру.
Оқу жиындары барысында қатысушылар жауынгерлік дайындық, атыс, тактикалық іс-қимыл, саптық және арнайы әскери пәндер бойынша білімдерін жаңғыртып, тәжірибелік жаттығуларға қатысады. Сонымен қатар олар заманауи әскери техника мен қару-жарақты қолдану дағдыларын меңгереді.
Мамандардың айтуынша, мұндай жиындар Қарулы күштердің жұмылдыру әзірлігін күшейтіп, төтенше жағдайлар кезінде әскери міндеттілердің өз міндеттерін тиімді орындауына мүмкіндік береді.