дереккөз фото:Aikyn.kz
Президент Қасым-Жомарт Тоқаев Қытай Халық Республикасының Төрағасы Си Цзиньпинмен келіссөз жүргізді. Кездесу барысында екі ел арасындағы стратегиялық әріптестікті одан әрі нығайту, сауда-экономикалық байланыстарды кеңейту және инвестициялық ынтымақтастықты дамыту мәселелері қаралды.
Мемлекет басшысы соңғы жылдары Қазақстан мен Қытай арасындағы сауда-экономикалық ынтымақтастық айтарлықтай нәтижеге жеткенін атап өтті. Оның айтуынша, екіжақты тауар айналымы мен бірлескен инвестициялық жобалардың көлемі тұрақты өсіп келеді. Тараптар көлік-логистика, энергетика, өнеркәсіп және ауыл шаруашылығы салаларындағы өзара тиімді әріптестікті одан әрі дамытуға дайын екендерін жеткізді.