Іс-шараны Арыс қаласының Отбасын қолдау орталығының директоры Сырлыбек Мұсабековтың бастамасымен ұйымдастырылып, жергілікті әкімдік, төтенше жағдайлар бөлімі және мәдениет бөлімінің қолдауымен өткізілді. Балалар үшін түрлі ойын-сауық бағдарламалары, қызықты сайыстар мен сергіту шаралары ұйымдастырылып, мерекелік атмосфера қалыптасты.
Мұндай игі бастамалар балалардың жазғы демалысын мазмұнды өткізуге ғана емес, олардың әлеуметтік белсенділігін арттырып, қауіпсіз ортада көңілді уақыт өткізуіне мүмкіндік береді. Әсіресе, жаз мезгіліндегі аптап ыстықта балалардың бос уақытын дұрыс ұйымдастыру – маңызды міндеттердің бірі.
Балаларға қуаныш сыйлаған бұл шара – қоғамның өскелең ұрпаққа деген қамқорлығының нақты көрінісі. Себебі бақытты балалық шақ – жарқын болашақтың берік негізі.