Елде мемлекеттік қызметтердің 92%-на қашықтан қол жеткізуге болады, — деп хабарлайды Arysinfo.kz тілшісі.
2024 жылы Қазақстанда 340 млн астам мемлекеттік қызмет онлайн-форматта көрсетілген. Бұл туралы үкімет отырысында цифрлық даму, инновациялар және аэроғарыш өнеркәсібі министрі Жаслан Мәдиев мәлімдеді.
Бүгінде мемлекеттік қызметтердің 92%-ын қашықтан алуға болады. Сонымен қатар статистика көрсеткендей, азаматтар көбінесе оған смартфондар арқылы – 90% жүгінеді.
Бұған қоса, қазақстандықтар QR-қолтаңба мен биометрияны сенімді қолдана бастаған. Цифрлық құжаттар қызметі ерекше танымал болуда, бір жыл ішінде азаматтар оны 292 млн рет қолданды.