Қазақстан Президенті Қасым-Жомарт Тоқаев пен Түрікменстан Халк Маслахатының төрағасы Гурбангулы Бердімұхамедов Түркістан қаласындағы «Әзірет Сұлтан» музей-қорығы аумағында орналасқан ұлттық-мәдени «Этноауыл» кешеніне барды.
Шығыс базарын аралау барысында мәртебелі меймандарға дәнді дақылдардың түрлері таныстырылды. Сондай-ақ олар ұлттық тағамдар мен ағаш өңдеу, кілем тоқу, киіз басу, қыш және зергерлік бұйымдар жасау секілді дәстүрлі қолөнер туындыларымен танысты.
Қонақтарға қазақ халқының салт-дәстүрін дәріптейтін театрландырылған қойылым ұсынылып, тазы иттер мен қыран құстардың көрсетілімі ұйымдастырылды.