Түркістан облысы Дін істері басқармасы «Дін мәселелерін зерттеу орталығы» КММ-нің теолог маманы Әбухан Нұрдәулет Келес ауданында бірқатар түсіндіру кездесулерін өткізіп, ұлттық құндылықтар мен діни таным тақырыптарын кеңінен талқылады.
Оқу орындары мен мекемелерде өткен кездесулердің басты мақсаты — жастардың діни сауатын арттыру, дәстүр мен дін сабақтастығын насихаттау, рухани тәрбие мен ұлттық болмысты ұштастыру болды.
Өткен кездесулер:
№53 “Құркелес” мектебінде “Дін мен дәстүр” тақырыбында оқушылармен ашық пікірталас өтті.
№54 мектепте “Дін дәстүрден бөлек емес” тақырыбы аясында еркін әңгіме ұйымдастырылды.
“Аяулым” балабақшасында ұлттық құндылықтарды сақтау туралы ұжыммен пікір алмасу жүргізілді.
№1 балалар мен жасөспірімдер спорт мектебінде “Тән – Алланың аманаты” тақырыбында тәрбиелік кездесу өтті.
Ұлттық спорт клубында “Дәстүрлі ойындар – ұлттығымызды сақтау” тақырыбында терең мазмұнды кездесу ұйымдастырылды.
Аталған іс-шаралар өскелең ұрпақты дәстүрлі рухани құндылықтармен сусындатуға бағытталды.