25 сәуірде Түркістан облысының мамандандырылған табиғат қорғау прокуратурасы жергілікті атқарушы және уәкілетті мемлекеттік органдармен бірлесіп, заңсыз жер қойнауын пайдалануды болдырмау, алдын алу мақсатында рейдтік іс-шара жүргізді, — деп хабарлайды Arysinfo.kz.
Іс-шара барысында Кентау қаласы, Хантағы ауылында барит қатты қазба байлығын ешқандай рұқсат құжатсыз (лицензия, келісімшарт) екі ауыр жүк көлігіне (екі Өзбекстан Республикасының азаматының басқаруында) артып жатқаны анықталды.
Оқиға орнына мобильді топ және полиция қызметкерлері шақыртылып, заңсыз жер қойнауын пайдалану және шетел азаматтарының заңсыз жұмыс істеу фактілері бойынша процестік шешім қабылдау тапсырылып, бақылауға алынды.