Пәкістанда бақылау камералары күтпеген оқиғаны жазып алды. Екі ер адам мотоциклмен шағын азық-түлік дүкеніне тоқтап, біреуі сыртта күтіп қалған, ал екіншісі ішке кіріп, қару қолданбай-ақ дүкен иесінен ақша талап еткен.
Тонаушы кассадағы ақшаны алып, дүкен иесінің телефонын беруді де сұрайды. Сол сәтте дүкен ішінде тұрған бала қарақшыға жақындап, бір сөз айтқандай болады.
Бала әрекетінің әсерінен қарақшының көңілі босап кеткен болуы мүмкін — ол алған ақшаны дүкеншіге қайтарып беріп, оқиға орнынан ештеңе алмай шығып кеткен.
Видео әлеуметтік желілерде тез тарап, көпшілік бұл оқиғаның күтпеген және адамдық сезімге толы тұсын талқылап жатыр.