Сурет: стан.кз
Түркістан облысы Келес ауданында көпірдің құлау дерегі тіркелді. Оқиға салдарынан аталған өткел арқылы көлік қозғалысы толық тоқтатылды.
Алдын ала мәліметке сәйкес, адам шығыны жоқ. Қазіргі уақытта оқиға орнында төтенше жағдайлар қызметінің, полиция мен жергілікті атқарушы орган өкілдерінің қатысуымен тексеру және қауіпсіздік шаралары жүргізіліп жатыр.
Жауапты мекемелердің хабарлауынша, көпірді қалпына келтіру және көлік қатынасын қайта қамтамасыз ету мақсатында тиісті шаралар қабылданады. Оқиғаның себептері анықталу үстінде.