Сурет: Arysinfo
Арыс қаласының Мехколонна мөлтек ауданында кешкі уақытта бірінен кейін бірі үш тұрғын үйде өрт шықты. Оқиға 24 қаңтар күні сағат 20:40 шамасында тіркеліп, қалалық №7 өрт сөндіру бөліміне хабарлама түскен.
Дабыл бойынша оқиға орнына екі өрт сөндіру техникасы мен жеті жеке құрам қызметкері жедел жеткен. Төтенше жағдайлар бөлімінің мәліметінше, өрт сағат 22:13-те толықтай ауыздықталған.
Өрт салдарынан зардап шеккендер тіркелген жоқ. Қазіргі уақытта оқиғаның нақты себептері анықталу үстінде, тиісті тексеру шаралары жүргізіліп жатыр.