дереккөз фото: Aikyn.kz.
Қызылорда облысында 15 жастағы жасөспірім өз ағасын өлтірді деген күдікке ілінді. Қайғылы оқиғаға байланысты құқық қорғау органдары жедел тергеу жұмыстарын бастап кетті.
Облыстық Полиция департаментінің мәліметінше, күдікті анықталып, ұсталған. Соттың санкциясымен оған қатысты қамауға алу бұлтартпау шарасы қолданылды.
Қазіргі уақытта оқиғаның барлық мән-жайын анықтау мақсатында сотқа дейінгі тергеп-тексеру жүргізіліп жатыр. Тергеу мүддесіне байланысты өзге ақпарат жария етілмеді.
Жасөспірімдердің қатысуымен жасалатын ауыр қылмыстар қоғамда алаңдаушылық туғызуда. Мамандар мұндай жағдайлардың алдын алу үшін отбасы тәрбиесі мен психологиялық қолдаудың маңызын атап өтеді.