Елордада «Алтын Орда – дала өркениетінің үлгісі: тарих, археология, мәдениет, бірегейлік» атты халықаралық симпозиум өз жұмысын бастады.
Ауқымды ғылыми жиынға әлемнің 20-дан астам елінен делегациялар қатысуда. Олардың қатарында тарихшы-медиевистер, археологтар, шығыстанушылар, түркітанушылар, моңғолтанушылар, нумизматтар, эпиграфика мамандары, саясаттанушылар, мәдениеттанушылар, өнертанушылар, дипломаттар және халықаралық ұйымдардың өкілдері бар.
Симпозиум барысында Алтын Орданың тарихи мұрасы, дала өркениетінің әлемдік тарихтағы орны, археологиялық зерттеулер мен мәдени сабақтастық мәселелері талқылануда. Сондай-ақ халықаралық ғылыми ынтымақтастықты нығайтуға бағытталған маңызды пікір алмасулар өтуде.