ЕРМЕКБАЙ АҚНИЕТ: «ЖАСТАРҒА МҮМКІНДІК, ЕЛГЕ ҚЫЗМЕТ, ХАЛЫҚҚА ЖАУАПКЕРШІЛІК!»

Арыс қалалық мәслихатының №4 сайлау округі бойынша депутаттығына үміткер Ермекбай Ақниет Ғабитұлы өзінің сайлауалды бағдарламасын таныстырды. Бокстан Қазақстан Республикасының чемпионы атанған жас кәсіпкер туған қаласының әлеуметтік-экономикалық дамуына үлес қосуды, бұқаралық спортты өркендетуді, жастарға қолдау көрсетуді және тұрғындардың тұрмыс сапасын жақсартуды басты мақсат етіп отыр.

Ермекбай Ақниет Ғабитұлы 1999 жылы 15 қарашада Оңтүстік Қазақстан облысы, Арыс қаласында дүниеге келген.

2017 жылы Арыс қаласындағы №11 Бауыржан Момышұлы атындағы жалпы білім беретін мектепті тәмамдаған. 2018–2022 жылдары Шымкент университетінде «Дене шынықтыру және спорт» мамандығы бойынша жоғары білім алған.

Жастайынан спортпен шұғылданып, бокс саласында елеулі жетістіктерге жеткен. Үміткердің ұсынған мәліметіне сәйкес, 2015 жылы бокстан Қазақстан Республикасының чемпионы атанған.

Спорттағы жетістіктері оның бойында табандылық, тәртіп, еңбекқорлық және жауапкершілік қасиеттерін қалыптастырған.

Бүгінде Ақниет Ермекбай жеке кәсіпкерлікпен айналысады. Ол өз кәсібін дамыту арқылы тәжірибе жинақтап, туған қаласының әлеуметтік-экономикалық өркендеуіне үлес қосуды көздейді.

Отбасылы, көпбалалы әке. Арыс қаласында туып-өскен үміткер туған жерінің болашағына бейжай қарамайтынын атап өтеді. Оның сайлауалды бағдарламасы «Жастарға мүмкіндік, елге қызмет, халыққа жауапкершілік!» ұранымен ұсынылған.

Кандидаттың пікірінше, қаланың дамуы ең алдымен тұрғындардың күнделікті тұрмысында кездесетін мәселелерді шешуден басталуы тиіс.

Сапалы жол, жарық көшелер, қолжетімді коммуналдық қызмет, балаларға арналған ойын алаңдары, спорт нысандары мен тұрақты жұмыс орындары – тұрғындардың өмір сүру сапасын арттырудың негізгі алғышарттары.

Үміткер өзінің спорттағы жетістігі мен кәсіпкерлік тәжірибесін туған қаласының игілігіне бағыттауды жоспарлап отыр. Ақниет Ермекбайдың сайлауалды бағдарламасындағы басым бағыттардың бірі – Арыс қаласы мен оған қарасты елді мекендердің инфрақұрылымын дамыту.

Кандидат қала көшелері мен мөлтекаудандардағы зақымданған жол бөліктерін жөндеу, түнгі уақытта көшелердің жарықтандырылуын жақсарту және жаяу жүргіншілер жолдарын салу мәселелерін көтеруді көздейді.

Сонымен қатар ауызсу, электр энергиясы және коммуналдық қызметтердің сапасын арттыруға ықпал етуді жоспарлап отыр.

Әсіресе «Баламекен» және «Парковый» елді мекендерінде балалар ойын алаңдары мен қоғамдық демалыс орындарын көбейту мәселесіне ерекше назар аударылған.

Кандидаттың ұстанымынша, тұрғындарға қолайлы орта қалыптастыру – қаланың тұрақты дамуының маңызды көрсеткіші. Бокстан Қазақстан чемпионы атанған Ақниет Ермекбай өзінің сайлауалды бағдарламасында спорт саласына айрықша басымдық берген.

Жарияланым кандидаттың республикалық бюджет қаражатынан төленді.

Ұқсас жаңалықтар

ORDABASY: ҚАЙТАРЫМСЫЗ ГРАНТ – КӘСІПКЕ ҚОЛДАУ, ТАБЫСҚА ЖОЛ

berdaly_oraz

Меншікті қорғау – әр азаматтың міндеті

Redaktor Arysinfo

ТҮРКІСТАНДА «КӨРІСУ КҮНІ- АМАЛ МЕРЕКЕСІНЕ» ОРАЙ МӘДЕНИ-ТАНЫМДЫҚ ШАРА ӨТТІ

berdaly_oraz