Қоғамның алға жылжуы – ортақ жауапкершілік пен белсенді ұстанымға байланысты. Осы тұрғыдан алғанда, Құрылтай депутаттарын сайлау – елдің қоғамдық өміріндегі маңызды үдерістердің бірі.
Сайлау – азаматтардың қоғамдық пікірді қалыптастыруға қатысуына және өз көзқарасын заң аясында білдіруіне мүмкіндік беретін демократиялық рәсім. Оның ашық әрі жауапты өтуі қоғамдағы сенім мен өзара құрметтің нығаюына ықпал етеді.
Бүгінгі таңда қоғамдық белсенділікке тек дауыс беру арқылы емес, ел өміріндегі маңызды мәселелерге қызығушылық таныту, құқықтық сауаттылықты арттыру және қоғамдық бастамаларға атсалысу арқылы да үлес қосуға болады.
Құрылтай депутаттарын сайлау – азаматтық мәдениеттің деңгейін көрсететін маңызды кезең. Қоғамның тұрақтылығы мен дамуы үшін заңдылықты сақтау, өзара түсіністік пен жауапкершілікті жоғары қою қажет.
Елдің ертеңі – бүгінгі жауапты ұстаным мен қоғамдық белсенділіктен басталады.