Қазақстанда Міндетті әлеуметтік медициналық сақтандыру (МӘМС) жүйесі алтыншы жыл толыққанды жұмыс істеп, денсаулық сақтау саласының ажырамас бөлігіне айналды. Бүгінде бұл – миллиондаған қазақстандық үшін күнделікті өмірдің бір бөлшегі. Дегенмен, жүйе төңірегінде түрлі пікірлер мен түсініспеушіліктер әлі де кездеседі.
МӘМС дегеніміз не?
МӘМС – мемлекет, жұмыс беруші және азаматтардың бірлескен жарналары есебінен қалыптасатын медициналық сақтандыру жүйесі. Бұл қор арқылы азаматтар медициналық қызметтердің кең спектрін пайдалана алады.
Жүйе қалай жұмыс істейді?
Қатысушылар жүйеге тұрақты түрде жарна төлейді. Ал балалар, зейнеткерлер, көпбалалы аналар сияқты әлеуметтік осал топтар үшін жарнаны мемлекет төлейді. Осылайша сақтандырылған азаматтар тегін медициналық көмектің кепілдендірілген көлемінен бөлек қосымша қызметтерге қол жеткізеді.
Сақтандырылған азамат не алады?
– бейінді мамандардың кеңесі
– диагностикалық тексерулер (анализдер, УДЗ, КТ, МРТ)
– жоспарлы емдеу және ауруханаға жатқызу
– созылмалы ауруларды бақылау
– оңалту және қалпына келтіру қызметтері
Неліктен бұл маңызды?
МӘМС медициналық көмектің қолжетімділігін арттырып, қызмет сапасын жақсартады. Сонымен қатар, азаматтардың емделуге кететін шығындарын азайтып, денсаулық сақтау жүйесінің дамуына ықпал етеді.
МӘМС жүйесінің мүмкіндіктерін дұрыс түсініп, оны тиімді пайдалану – әрбір азаматтың денсаулығын сақтаудағы маңызды қадам.