Қазақстанда 4 маусым — Мемлекеттік рәміздер күні кең көлемде аталып өтуде. 1992 жылдың дәл осы күні елдің басты нышандары — Ту, Елтаңба және Әнұран ресми түрде бекітілген болатын.
Атаулы күнге орай Арыс қаласындағы Тәуелсіздік стелласы маңында салтанатты жиын өтіп, мемлекеттік ту көтеру рәсімі ұйымдастырылды.
Іс-шараға қала басшылығы, қоғамдық кеңес өкілдері, саяси партия филиалы жетекшілері, ардагерлер мен жастар қатысты. Жиында Мемлекеттік Тудың тарихи және идеологиялық маңызы айтылып, рәміздерге құрмет көрсету — азаматтық парыз екені атап өтілді.
Салтанатты рәсім барысында Мемлекеттік Әнұран орындалып, қатысушылар ел нышандарына тағзым етті.
Мерекелік жиын елдік рух пен бірлікті дәріптеген маңызды шара ретінде өтті.