Астанадағы Қазақстан Республикасы Президенттік орталығы алаңында Шанхай ынтымақтастық ұйымы құрылғанының 25 жылдығына арналған сарапшылық кездесу өтті.
Іс-шара барысында қатысушылар ШЫҰ қызметінің ширек ғасырдағы негізгі нәтижелерін саралап, қазіргі геосаяси және экономикалық сын-қатерлерді талқылады. Сонымен қатар ұйымның географиясы кеңейіп, ынтымақтастық бағыттары артып отырған кезеңдегі даму перспективалары сөз болды.
Сарапшылар ШЫҰ-ның өңірлік қауіпсіздік, экономикалық әріптестік және халықаралық диалогты дамытудағы рөлінің артып келе жатқанын атап өтті.