Дереккөз, фото: Шардара ауд әкімдігі
Құрметті Шардара ауданының тұрғындары, ардақты ағайын!
Сіздерді 1 мамыр – Қазақстан халқының бірлігі күні мерекесімен шын жүректен құттықтаймын!
Бұл мереке – татулық пен тұтастықты, достық пен бауырмалдықты дәріптейтін, еліміздегі барлық этнос өкілдерінің ынтымағын айшықтайтын ерекше күн. Халқымыз ежелден бірлікті ең асыл құндылықтардың бірі санап, «Бірлік бар жерде – тірлік бар» деп бекер айтпаған.
Бүгінде қасиетті Шардаара өңірінде түрлі ұлт пен ұлыс өкілдері бір шаңырақ астында тату-тәтті өмір сүріп, ауданның өсіп-өркендеуіне өз үлестерін қосып келеді. Бұл – ел ішіндегі ауызбіршілік пен өзара сыйластықтың жарқын көрінісі.
Тәуелсіз Қазақстанның бүгінгі жетістіктері мен толағай табыстары ең алдымен ел ішіндегі тұрақтылық пен бірліктің нәтижесі. Елдегі берекелі ынтымақтың арқасында Шардара ауданы да әлеуметтік-экономикалық тұрғыдан дамып, күн санап көркейіп келеді.
Берекелі тірліктің бастауы – бейбітшілік пен татулық. Сондықтан ел бірлігі мен қоғамдық келісімді сақтау – баршамызға ортақ міндет. Ұрпақтар сабақтастығын жалғап, жастарға достық пен сыйластықтың қадірін ұғындыру – келешек алдындағы маңызды жауапкершілік.
Қадірлі жерлестер!
Мерейлі мереке күні баршаңызға зор денсаулық, отбасыларыңызға амандық, шаңырақтарыңызға шаттық пен бақ-береке тілейміз! Еліміз тыныш, жұртымыз аман болсын! Ынтымағымыз ырысқа, бірлігіміз баянды болашаққа бастай берсін!
1 мамыр – Қазақстан халқының бірлігі күні құтты болсын!