Шымкентте мемлекеттік бағдарламалар аясында тұрғын үй кезегінде тұрған 144 отбасыға арендалық пәтер кілттері табысталды. Қуанышты сәтке куә болған отбасылардың арасында 17 көпбалалы жанұя, әлеуметтік осал топтағы 106 азамат және 21 жетім мен ата-анасының қамқорлығынсыз қалған бала бар.
Жаңа қоныстанушылар Тұран шағын ауданындағы жайлы пәтерлерге қоныстанады. Қазіргі таңда тұрғындармен тиісті келісімшарттар жасалып жатыр.
Айта кетейік, халықты баспанамен қамтамасыз ету – Шымкент қаласының әлеуметтік саясатының басым бағыттарының бірі. Әлеуметтік қолдау шаралары арқылы көпбалалы отбасылар мен мұқтаж азаматтарға жүйелі түрде көмектер көрсетіліп келеді.