Шымкент қаласының әкімі Ғабит Сыздықбеков тұрғындармен кездесу өткізіп, олардың мәселелерін тыңдады. Жиын барысында баспанаға қол жеткізе алмай жүрген азамат әкімге өз жағдайын айтып, көмек сұрады.
«Әкім мырза, менің баспанасыз жүргеніме 20 жыл болды. Үйсіз жүргеніме әбден қажыдым, көмектесіңіз!» – деп тұрғын жанайқайын жеткізді.
Қазіргі таңда Шымкентте тұрғын үй кезегінде тұрған азаматтардың саны 40 мыңнан асады. Бірақ олардың мәселесі толық шешілмеген күйі қалып отыр. Қала билігі бұл мәселені қалай шешпек? Тұрғындар қашан тұрақты баспанаға қол жеткізе алады? Бұл – әлі де жауабы табылмаған сұрақ.