Дереккөз, фото: Шымкент қаласы әкімдігі
М.Х.Дулати атындағы үш тілде оқытатын №8 мамандандырылған гимназияның 11 «Ә» сынып оқушысы Ильяс Уалихан ұлттық бірыңғай тестілеуде 138 балл жинап, жоғары нәтиже көрсетті.
Талапты түлек ҰБТ-да математика мен география пәндерін таңдап, өз білім деңгейін сәтті дәлелдеді. Бұл оның нақты ғылымдарға деген қызығушылығы мен болашақ мамандығына деген мақсаткерлігін байқатады.
Жоғары көрсеткіш – оқушының жүйелі дайындығы, тынымсыз еңбегі мен табандылығының жемісі. Мұндай жетістік ұстаздар мен ата-аналардың қолдауының да маңызды екенін көрсетеді.
Айта кетейік, биыл ұлттық бірыңғай тестілеуге Шымкент қаласы бойынша 10 287 түлек қатысады.