Түркістан облысына қарасты Сарыағаш ауданы аумағында «Таза Қазақстан» экологиялық акциясы аясында ауқымды тазалық шарасы ұйымдастырылды.
Игі бастамаға аудан әкімдігіне қарасты мекемелер, коммуналдық қызмет өкілдері, ерікті жастар мен жергілікті тұрғындар белсене қатысты. Қатысушылар белгіленген аумақтарда көшелерді, қоғамдық орындарды және аулаларды қоқыстан тазартып, шөп шабу жұмыстарын жүргізді.
Жиналған қалдықтар арнайы техника көмегімен уақытылы шығарылып, елді мекендердің санитарлық жағдайы жақсартылды. Нәтижесінде аудан аумағының көркі кіріп, тұрғындардың қоршаған ортаға деген жауапкершілігі арта түсті.
Ұйымдастырушылардың айтуынша, мұндай экологиялық шаралар тек тазалықты сақтау ғана емес, сонымен қатар тұрғындар арасында экологиялық мәдениетті қалыптастыруға бағытталған.
Аудан әкімдігі «Таза Қазақстан» акциясына тұрақты түрде қатысуға шақырып, әрбір азаматтың туған жердің тазалығына үлес қосуы маңызды екенін атап өтті.