Мемлекет басшысы Қасым-Жомарт Тоқаев тапсырмасына сәйкес, балық шаруашылығын дамыту бағытында Түркістан облысында инвестиция тарту және табиғи ресурстарды тиімді пайдалану бойынша жүйелі жұмыстар жүргізілуде.
Аталған сала Нұралхан Көшеров басшылығымен ерекше бақылауға алынған. Нәтижесінде өңірде балық шаруашылығын дамытуға серпін беретін жаңа бастамалар қолға алынуда.
Осы бағыттағы маңызды шаралардың бірі – Түркістан облысы әкімдігі мен Ауыл партиясы бірлесіп ұйымдастырған «AUYL INVEST FEST. Балық аулау – 2026» алғашқы халықаралық фестивалі.
Ауқымды іс-шара балық шаруашылығын дамытуға, саланың инвестициялық тартымдылығын арттыруға және отандық өнім өндірушілерді қолдауға бағытталды. Фестиваль аясында балық аулау сайыстары өткізіліп, қатысушылар өз шеберліктерін сынады. Сонымен қатар, сала мамандары арасында тәжірибе алмасу, жаңа жобаларды таныстыру және іскерлік байланыстар орнату мүмкіндігі қарастырылды.
Мұндай бастамалар өңір экономикасын әртараптандыруға, ауыл шаруашылығының жаңа бағыттарын дамытуға және жаңа жұмыс орындарын ашуға жол ашады.