дереккөз фото Jas Alash
Дональд Трамп Иранға қатысты мәлімдеме жасап, Тегеранның іс жүзінде келісімге келуге жақын екенін айтты. Оның сөзінше, Иран ресми түрде «ақ жалау көтермесе» де, шиеленісті тоқтатуға мүдделі.
Журналистердің сұрақтарына жауап берген Дональд Трамп Иран билігі қандай әрекеттер жағдайды ушықтыратынын түсінетінін атап өтті. Сонымен қатар, ол Тегеранның Вашингтонмен келіссөздер жүргізуге дайын екенін жеткізді.
АҚШ басшысы Иранмен келіссөздерге өзі де тікелей қатысқанын айтып, қарсы тараптың «ойын ойнап отырғанын» мәлімдеді.
Бұған дейін Пентагон басшысы Пит Хегсет қажет болған жағдайда америкалық әскер Иранға қарсы операцияларды қайта бастауға дайын екенін ескерткен.
.