Түркістан облысында шегірткеге қарсы химиялық өңдеу жұмыстары белсенді түрде жалғасуда. Аймақтағы 9- ауданда шамамен 300 мың гектарға жуық алқап дәріленіп, зиянкестердің таралуына қарсы кешенді шаралар жүргізілуде.
Бүгін облыс әкімінің орынбасары Нұрбол Тұрашбеков Ордабасы ауданындағы жұмыстардың барысын тексеріп, өңделген аумақтарды аралап көрді.
Ресми мәліметке сәйкес, өңірде жалпы 796,88 мың гектар жер зерттеліп, соның 285,71 мың гектарында шегіртке зияндылығы анықталған. Қазіргі таңда 275,11 мың гектар аумаққа химиялық өңдеу жасалған. Жұмысқа 250-ден астам арнайы техника мен қосымша көліктер тартылып, Келес, Сарыағаш, Арыс және басқа да аудандарда зиянкестерге қарсы шаралар жүйелі түрде жүзеге асуда.