Түркістан облысында тұрғындарды әлеуметтік жәрдемақыға тәуелділіктен арылту мақсатында кешенді жұмыстар жүргізілуде. Негізгі бағыт – халықты тұрақты жұмыспен қамтып, табыс табудың нақты мүмкіндіктерін арттыру. Осы ретте мемлекеттік бағдарламалар арқылы кәсіпкерлікті дамытуға, шағын бизнес ашуға және ауыл шаруашылығын өркендетуге басымдық берілуде. Әсіресе, гранттар мен жеңілдетілген несиелер беру арқылы өз ісін бастаймын деген азаматтарға қолдау көрсетілуде.
Сонымен қатар, еңбекке қабілетті азаматтарды оқыту, қайта даярлау курстары ұйымдастырылып, сұранысқа ие мамандықтарды игеруіне жағдай жасалуда. Жұмыссыз азаматтар үшін бос жұмыс орындарының жәрмеңкелері өткізіліп, тұрақты табысқа қол жеткізуге жол ашылуда. Нәтижесінде, жәрдемақы алушылар саны біртіндеп азайып, тұрғындардың әл-ауқатын арттыруға нақты қадамдар жасалуда.