ҚР Ауыл шаруашылығы министрі Айдарбек Сапаров Түркістан облысына жұмыс сапары барысында ірі инвестициялық жобалардың жүзеге асырылуымен танысты
. Министр 50 мың бас ірі қараға арналған «Turkestan Agro.kz» бордақылау кешені мен жылына 30 мың тонна ет өңдейтін «KAZ ECO MEAT» кәсіпорнын аралап, өңірде өндіріс, бордақылау, өңдеу және экспортты біріктіретін заманауи ет кластері қалыптасып келе жатқанын айтты.
Оның сөзінше, мемлекет қолдауының арқасында мал шаруашылығы Қазақстанның агроөнеркәсіп кешеніндегі басты өсім бағыттарының біріне айналып келеді.