Шардара ауданының әкімі балаларды 1 маусым – Халықаралық балаларды қорғау күнімен құттықтады
2025 жылғы 1 маусымда Халықаралық балаларды қорғау күніне орай Шардара ауданының әкімі Арман Қарсыбаев бірқатар отбасылардың үйлеріне арнайы барып, бүлдіршіндерді мерекемен құттықтады.
Аудан басшысы балаларға сыйлықтар табыстап, олардың шат күлкісі мен жарқын болашағы – қоғамның басты байлығы екенін атап өтті.
– Балалар – еліміздің ертеңі. Олардың тәрбиесі мен амандығы – бәріміз үшін ортақ жауапкершілік, – деді А.Қарсыбаев.
Мерекеге орай аудан көлемінде балаларға арналған түрлі мәдени-танымдық іс-шаралар ұйымдастырылып, әсіресе әлеуметтік қолдауға мұқтаж отбасылардың балаларына ерекше көңіл бөлінді.