Шымкентте қоғамдық көлік жүйесін жақсарту мақсатында бүгіннен бастап жаңа №7 автобус бағыты іске қосылды. Енді Текесу шағынауданынан бастап қала орталығындағы «Ордабасы алаңына» дейін тікелей қатынайтын қоғамдық көлік қолжетімді болмақ.
Жаңа маршрут әзірге 4 кестемен, 29 минуттық интервалмен жұмыс істейді. Қала билігінің мәліметінше, алдағы уақытта жолаушылар санына қарай автобустар саны арттырылуы мүмкін. Бұл маршрут алдымен 2 ай бойы пилоттық режимде жұмыс істеп, сұраныс деңгейіне қарай тұрақты негізде енгізіледі.
Қазіргі таңда Шымкент қаласында 82 бағыт бойынша 980 автобус күнделікті жолаушылар тасымалын қамтамасыз етіп келеді.