Маңғыстау облысында Каспий теңізіне батып кетті деген болжаммен із-түзсіз жоғалған 18 жастағы жігітті іздестіру жұмыстары бірнеше тәуліктен бері тоқтаусыз жүргізілуде. Ол туған күнінде демалыс орны маңында жоғалып кеткен.
Іздестіру-құтқару жұмыстарына 53 маман, 6 техника, 3 қайық, 10 сүңгуір және әуеден бақылау жүргізетін 8 дрон жұмылдырылған. Құтқарушылар теңіз түбі мен жағалау аумағын мұқият тексеріп жатыр.
Төтенше жағдайлар қызметі тұрғындарды тек арнайы жабдықталған жағажайларда шомылып, судағы қауіпсіздік талаптарын қатаң сақтауға шақырды.