Түркістанда алғаш рет бауыр алмастыру отасы сәтті жасалды

Түркістан облыстық клиникалық ауруханасында медицина тарихындағы маңызды оқиға орын алды – алғаш рет бауыр трансплантациясы сәтті жүргізілді. Операцияны академик Б.Баймаханов жетекшілік еткен А.Сызғанов атындағы Ұлттық ғылыми хирургия орталығының білікті мамандары жүзеге асырды.

48 жастағы науқас бірнеше жыл бойы бауыр циррозымен күресіп, тұрақты ем қабылдаған. Алайда аурудың асқынуы өміріне қауіп төндіргендіктен, дәрігерлер оған бауыр алмастыру қажеттігін анықтады.

Науқастың 19 жастағы қызы медициналық тексерістен өтіп, донор болуға жарамды деп танылды.

Күрделі хирургиялық отаны жоғары деңгейдегі мамандар орындады. Операцияға анестезиологтар, хирургтар және жергілікті аурухананың білікті дәрігерлері қатысты.

Науқастың жағдайы дәрігерлердің бақылауында, ал трансплантацияланған орган біртіндеп қалыпты қызметін атқара бастады.

Бұл оқиға – Түркістан облысында трансплантология саласының дамуы жолындағы үлкен қадам.

 

Ұқсас жаңалықтар

ҚҰРЫЛТАЙ: В БАЙДИБЕКСКОМ РАЙОНЕ ПРОГОЛОСОВАЛИ ГРАЖДАНЕ В КОСТЮМАХ МЕДВЕДЯ И ТРАНСФОРМЕРА

Redaktor Arysinfo

Түркістанда «Жұмысшы мамандықтар жылы» жоғары деңгейде қорытындыланды

berdaly_oraz

Сарыағаш ауданында екі жаңа мектеп ашылды

berdaly_oraz