Дереккөз, фото: Түркістан қаласы әкімдігі
Түркістан қаласында ұлттық тарих пен рухани мұраны насихаттауға бағытталған инсталляциялар кешкі мезгілде ерекше көрінісімен тұрғындар мен қонақтардың қызығушылығын тудыруда.
Қала аумағында орналасқан сәндік композициялар мен жарықтандырылған инсталляциялар Түркістанның тарихи келбетін айшықтап, шаһардың туристік тартымдылығын арттыра түсуде. Әсіресе түнгі уақытта жарық шамдарымен көмкерілген нысандар көне шаһардың ерекше атмосферасын сезінуге мүмкіндік береді.
Инсталляциялар арқылы Түркістанның бай тарихы, мәдениеті мен рухани құндылықтары көркем түрде бейнеленген. Бұл нысандар қала тұрғындары мен туристер үшін серуен құратын әрі естелік суретке түсетін орындардың біріне айналған.
Қалада жүргізіліп жатқан абаттандыру және жарықтандыру жұмыстарының нәтижесінде қоғамдық кеңістіктердің көркі артып, тұрғындардың жайлы демалуына қолайлы жағдай жасалуда.