Үш облыста ауа райына байланысты жолдар жабылды,-деп хабарлайды Arysinfo.kz тілшісі.
24 наурыз күні кешкі сағат 18:00-ден бастап еліміздің үш облысында республикалық маңызы бар жолдар уақытша жабылды. Бұл туралы «ҚазАвтоЖол» ұлттық компаниясы хабарлады.
Ауа райының қолайсыздығына байланысты көлік қозғалысы шектелген аумақтар:
▪️ Ақтөбе облысы – Қандыағаш-Ембі-Шалқар-Ырғыз автожолының 3-92 шақырымы (Қандыағаш пен Ембі қаласының арасы).
▪️ Қостанай облысы – Қазақстан мен Ресей шекарасындағы Мариновка ауылына жақын аумақ.
▪️ Солтүстік Қазақстан облысы – Петропавл айналма жолының 4-7 шақырымы (Қожаберген жырау айналма жолынан Есіл өзеніндегі көпірге дейін).
Жол қозғалысының қашан қалпына келетіні туралы ақпарат қосымша хабарланатын болады.