Бұл фейк алғаш рет 2023 жылдың ақпанында Ресейде пайда болған. Кейін Беларусь пен Эстонияға тарап, Луганск тұрғындары Ресей мен Беларусь қалаларында у қосылған парфюмерия сатып жатыр деген қауесет тараған. Бірақ бұл дерек еш жерде расталмаған. Полиция да, Роспотребнадзор да мұндай жағдайлар тіркелмегенін мәлімдеген.
Қазақстанда бұл жалған ақпарат 2023 жылдың наурызында қайта тараған. Әсіресе Халықаралық әйелдер күні қарсаңында осындай қауесеттер жиілеген.
Мұндай хабарламалар әдетте эмоцияға толы болып келеді және адамдарды дүрліктіру үшін таратылады. Егер іздеу жүйесінде «у қосылған әтір» немесе «у қосылған иіс су» деп іздесеңіз, көптеген фактчекерлер бұл ақпараттың жалған екенін дәлелдегенін көресіз.
Фейктерге алданып қалмау үшін ақпаратты тексеріп, расталмаған мәліметтерді таратпау маңызды.